• Tweet
• Sharebar

• Tweet

زيارة د/ محمد البرادعي للمنصورة و منية سمنود امبارح كانت تاريخية بكل المقاييس , الآلاف اللي كانت في شوارع المنصورة تهتف “مصر عايزة ديمقراطية “  هي ناس مش خايفة و مؤمنة بالتغيير و ستحققه و مستعده للتضحيه في سبيله

, الناس  وقعت على بيان التغيير لمجرد انها شايفة رجال محترمين زي د/ البرادعي , حمدي قنديل,د/ محمد أبو الغار , د/ محمد غنيم ,جورج اسحاق, حسن نافعة,

بعد جولة البرادعي في المنصورة توجه لمنية سمنود و هناك قابل الناس ,و رغم أنها المفترض تكون زيارة عادية إلا انها تحولت لمؤتمر جماهيري

العدد الكبير اللي كان موجود كان أغلبه ناس بسيطة لكن فاهمة و كل أسألتهم كانت قوية جدا

د/ محمد البرادعي تعليقا على الاستقبال قال “ما رأيته اليوم يدل على رغبة الجماهير في التغيير ” و على

twitter :

It is a great feeling to see Egyptians shedding their fear and becoming partners for change.

إنه شعور عظيم أن ترى المصريين يتخلصون من خوفهم و يشاركوا في التغيير

اليوم كان فيه غرائب و طرائف

• صدور قرار بمنع المجموعة المرافقة للبرادعي و غنيم من دخول مركز الكلى رغم ان مركز الكلى أساسا اللي عمله  د/ محمد غنيم !
• نزول آلاف من الناس للشارع لهدف غير ماتش كرة
• اتضح أن مؤيدي التغيير من مختلف الفئات  و المستويات و من تيارات سياسية و فكرية مختلفة
• اﻷطفال كانوا عارفين البرادعي
• في ناس كانت بتشاور على د/ محمد البرادعي و تقول “دا البرادعي بتاع التغيير” مش مرشح للرئاسة, و دا المطلوب
• الناس البسيطة اللي وقعت على البيان ماكانتش خايفة و عارفه انهم بيعملوا حاجة قانونية
• في سيدة من منية سمنود سألتني أنا وَقَعت بيوزعوا الفلوس فين بقى ؟ 

اليوم كان مصدر أمل كبير لشباب الجمعية الوطنية للتغيير و لكل الناس

بدون مبالغة كان من أحسن أيام حياتي

P.S.هل وَقعت على بيان الجمعية الوطنية للتغيير أو ناوي توَقع ؟