• شباب التاكسي: بيركب تاكسي مع سواق ثوري (كل يوم بيقابل سواق ثوري عادي!) وبيقوله كلام مؤيد للثورة، وبيتويت كلام السواق وهو مندهش
• البواب، السايس، الست اللي بتساعدني في البيت، قالتلي كذا: دي بتكون تويته صاحبها بينقل كلام أو وجهة نظر البواب مثلا اللي هو بيكون كلام مثقف وواعي وصاحبها بيكون مذهول من وعي البواب لأن باي ديفولت هو مفترض إن أساسي يعني البواب مابيفهمش حاجة!
• اللي بيهاجم الإخوان باستمرار أو الإسلاميين عموماً.. عملوا حلو عملوا وحش هيهاجمهم (يشتمهم) بردو.. بيظهر في مواسم وهاشتاجات الهجوم على  الإسلاميين وتنعدم مشاركاته وآراؤه في المواضيع الأخرى
• اللي بيدافع عن الإخوان على طول: بيظهر فورا عند أي انتقاد للإخوان، يتخدم زر التويت والريتويت بلا توقف.. حتى لو كان الانتقاد للون كرافت الكتاتني انهارده
• اللي بيعمل منشن للمشاهير في أي حاجة يكتبها..
• ريتويت بشدة:.. يكتب أي كلام ومعاه ريتويت بشدة يا جماعة.. لحد حالاً مش فاهمة يعني ايه ريتويت بشدة للأسف
• على فكرة في حياة برة تويتر يا جماعة: دا بيقى شخص قرر يسيب تويتر كام ساعة وفجأة بيفتح تويتر يكتب اكتشاف اليوم: في حياة برة تويتر يا جماعة.. انتو هنا بتكلموا نفسكم

بس تويتر لسه فيه ناس طبيعية والله

تستضيف القاهرة يومي 19 و20 أكتوبر 2011  مؤتمر عرب نت القاهرة الذي تنظمه المجموعة الدولية المتحدة للأعمال (IBAG)  في القرية الذكية  برعاية معالي وزير الإتصالات وتكنولوجيا المعلومات المصرية د. محمد سالم وبالتعاون مع مركز الإبداع التكنولجي وريادة الأعمال (TIEC). ويهدف المؤتمر إلى التركيز على أحدث التطورات والتقنيات في عالم المحمول والإنترنت كما سيقدم عرضاً للمشاريع الواعدة من المنطقة ليسلط الضوء على الطاقات الرقمية الكامنة في السوق المصرية والتي تعد من أكبر الأسواق في العالم العربي.

أعلن مركز الإبداع التكنولوجي وريادة الأعمال
” TIEC ”

عن إطلاق مؤتمر “عرب نت ” للمرة الأولى في مصر يومي الـ19 و20 من أكتوبر المقبل، وذلك في إطار شراكة بين المركز والمجموعة الدولية المتحدة للأعمال (IBAG) . فمع نمو حجم الأسواق على الإنترنت وموجة ريادة الإعمال التي تجتاح المنطقة، رأينا أنه من الضروري توسيع شبكة أحداثنا لتشمل مؤتمرات محلية في عدد من أكبر الأسواق في المنطقة. ويُنظر الى مصر على أنها واحدة من أكبر اسواق الاعمال الالكترونية حيث يناهز عدد متصفحي الانترنت فيها نحو 17 مليونا. أضف إلى ذلك ان مصر من الدول الأكثر انفاقا على أجهزة الموبايل والاعلان على شبكة الانترنت. سيجمع عرب نت- القاهرة أكثر من 40 متحدثا و600 شخص من القياديين في الحقل الرقمي، بالإضافة روّاد أعمال لمناقشة أحدث القضايا والتطورات في:التسويق الرقمي، المحتوى على شبكة الإنترنت، وسائل الاعلام الاجتماعية، تطبيقات الموبايل، التجارة الإلكترونية، الألعاب الإلكترونية، وأكثر من ذلك بكثير. وبالطبع سيكون هناك سمات عرب نت المميزة: ماراثون الأفكار وعرض الشركات الناشئة التي يتم عرض فيها أفكار مبتكرة وشركات واعدة. يهدف ماراتون الأفكار إلى منح المشاركين الذين وصلوا إلى التصفيات النهائية فرصة لعرض فكرتهم والتركيز على نقاط الإبداع فيها وعلى قابليتها للتطبيق. وسيتم إختيار أفضل ثلاثة أفكار من قبل لجنة من الحكام وسيحصل الفائزون على جوائز مالية قيمة. أما عرض الشركات الناشئة فسيتيح للشركات المشاركة التي لا تزال في مراحلها الأولى والتي وصلت إلى المرحلة النهائية، فرصة لعرض أعمالها خلال خمس دقائق لإقناع الحاضرين ولجنة التحكيم بقدرتها على النمو والسوق المحتملة لمنتجاتها. يمكنكم التسجيل في مسابقتي ماراتون الأفكار وعرض الشركات الناشئة على موقع عرب نت- القاهرة وتذكر أن آخر مهلة للإشتراك هي 29 من سيبتمبر .

سجل الآن واحصل على تعرفة التسجيل المبكر التي ستظل متاحة حتى 7 أكتوبر!!!

عزيزي المواطن يجوز تكون بتتساءل وتستنكر من يوم التنحي إلى الآن قائلاً: مش كفاية كدا؟ طيب خلينا نعود بالذاكرة لأسباب الثورة، قامت الثورة عزيزي المواطن في الأساس بسبب الداخلية وممارسات جهاز الشرطة، القتل، التعذيب، الإهانة.. لولا انتهاكات الشرطة ماكناش شوفنا ثورة، ولولا توحش الشرطة من يوم ٢٥ بالليل ماكانش الناس كملت اعتصام  ووصلنا لإنجاز التنحي.. طيب عملنا ثورة، وضحى المصريين بحياتهم عشان الداخلية تعاملنا معاملة آدمية، وبعد ٧ شهور لسه الشرطة زي ماهي، قيادات الشرطة هي هي، الظباط المتهمين بقتل المصريين مازالوا في أماكنهم لا وكمان اترقوا وخدوا مرتبات أعلى، جهاز أمن الدولة مازال موجود بقياداته وسلطاته تحت مسمى الأمن الوطني، لسه لما بتتسرق وتروح القسم بيتقالك، مالناش دعوة واتصرف إنت، لسه أهالي الشهداء بيتضربوا ويتسحلوا في الشارع ،   لسه مفيش أمان..  عزيزي المواطن قامت الثورة ضد قانون الطوارئ القبيح، والقانون مازال مستمر وتم تفعيله كاملاً من يومين.. طيب بالمنطق كدا عملنا ثورة ليه أصلاً، فراغ عزيزي المواطن؟

عزيزي المواطن فكرت تقرأ عن الفترات الانتقالية في تاريخ الثورات؟؟ في الواقع لو حاولت هتلاقي إن أي فترة إنتقالية لأي ثورة بيكون فيها هيكلة للمؤسسات الأساسية في الدولة، الشرطة، التعليم، القضاء، وفي الواقع بالشكل دا إحنا بنعيش فترة إنتقالية فاشلة جداً محققتش أي حاجة، والثورة ماقامتش عشان نفشل.. أبداً

عزيزي المواطن، مضايقاك في إيه فئوية؟؟ أعلم يقيناً إنك عايز ولادك يتعلموا كويس في مدارسهم وجامعاتهم، وأنت تعلم يقيناً إنك لو سألت إبنك المتخرج من جامعة حكومية إتعلمت إيه يابني هيقولك حسبي الله ونعم الوكيل، أعلم إنك عايز تروح تتعالج في مستشفى نضيفة وتتعامل معاملة آدمية، وأنت تعلم يقيناً إن الأطباء مرتباتهم ضعيفة فمش هيتعبوا نفسهم معاك أوي، وإذا كنت حضرتك فاهم كل حاجة كدا يبقى المفروض تساند أي حاجة فئوية، حيث إن مظاهرات المدرسين الفئوية عشان المدرس ظروفه تتحسن، هي بداية إصلاح منظومة التعليم كلها اللي إنت هتستفيد منها، وكذلك إضراب أساتذة الجامعة حتى إقالة القيادات الجامعية اللي أفسدت التعليم أيام مبارك، وإضراب الأطباء الفئوي هو عشان يقدروا يعيشوا كويس، ويقدمولك خدمة أفضل، وكذلك إضرابات واعتصامات العمال في كل مكان عارفة إنك هتقولي ماهو مش معقول كل الناس مشاكلها هتحل في وقت واحد، وهو المجلس العسكري هيعمل إيه ولا إيه.. بس هل يُعقل إن ولا مشكلة واحدة منهم تتحل؟ ولا واحدة يا مواطن؟

عزيزي المواطن المهووس بالاستقرار، كلمني شوية عن إحساسك بالاستقرار وإنت مش لاقي شغل، وإنت مرتبك مش مكفيك، لما بتدخل مستشفى حكومي، أو لما بتعمل حادثة على الطريق وماتلاقيش إسعاف، أو لما بيحصلك مشكلة وتخاف تروح قسم الشرطة، عزيزي المواطن مفيش دولة مستقرة من غير شرطة، ولا قضاء مستقل، ولا إقتصاد قوي، مفيش دولة مستقرة هتقوم على الفساد أو ضياع الحقوق، أنا عارفة إنك هتقولي دي مشاكل ما تتحلش في سبع شهور، عندك حق، يمكن تاخد ٧ سنين حتى بس بشرط نبدأ من الآن، بشرط الثورة تكون بداية الحل، فياريت ماتخدعش نفسك باستقرار أيام مبارك تاني، ياريت تطول بالك معانا شوية وتحلم باستقرار حقيقي حتى لو هياخد وقت.

عزيزي المواطن إنت لسه بتصدق الإعلام المصري؟ إنت عاجبك إعلام بلدك يعني؟ حضرتك فاكر كويس إنه نفس الإعلام دا، بنفس قياداته ووجوه مذيعيه كان بيكذب عليك، أقنعك إن خالد سعيد مدمن بلع اللفافة، وإن الشرطة ماقتلتش المصريين في الثورة، وإن المصريين بيتكلموا إنجليش لانجودچ كويس أوي؟ طيب الإعلام زي ماهو، قياداته منها كتير لسه زي ما هي، مش عايزه يتغير طيب؟ مش عايز يكون لبلدك إعلام محترم يحترم عقلك، طيب مش بتطالب بتطهير الإعلام ليه؟ فين ضميرك عزيزي المواطن؟

عزيزي المواطن أعلم إنك بتزهق من شباب الثورة في التلفزيون، ومن منصات التحرير الكتيرة، ومن الناس اللي وجعت دماغك بمصطلحات عجيبة من أول الأجندة لحد فلوطة وحاشدة، بس خليك مع الثورة شوية كمان لو سمحت..

أنا أدعم تماماً مطالب:

• استقلال القضاء
• تطهير وهيكلة الداخلية
• إلغاء قانون الطوارئ
• وضع جدول زمني لتسليم السلطه للشعب
• إلغاء وزارة الإعلام وتطهير الإعلام
• إلغاء المحاكمات العسكرية للمدنيين

وهشارك في المطالبة بيهم بشكل سلمي  إلي أن يتحققوا إن شاء الله.

عزيزي المواطن، غفيراً كنت أو مُشير: الثورة لسه ماخلصتش!

هنا كان السؤال الأول: “هو المجلس العسكري بيعمل كدا ليه؟ ليه البطء دا، ليه لازم ضغط وحشد عشان يحمي الثورة؟ “.. يوم ٩ مارس كان أول اصطدام مع الجيش في الميدان، ضرب للمعتصمين من الشرطة العسكرية واعتقال شباب الثورة، وتحويلهم إلى محاكمات عسكرية - إعرف عن عمرو البحيري من هنا - ممكن أن نتفهم أسلوب تعامل الجيش العسكري، لكن لا يمكن نتفهم محاكمة إنسان برئ محاكمة عسكرية يضيع مستقبله بسببها، وما أكتر المحاكمات العسكرية في الثلاث شهور الماضية!! ظهر بيان من الجيش بأن رصيدهم يسمح، وبعدها بذلوا كل جهدهم للقضاء على أي رصيد في كلية إعلام القاهرة، وفي يوم ٢٥ أبريل في ميدان التحرير، اتقتل الشاب علي ماهر بالرصاص الحي أثناء فض الجيش للاعتصام، وفي ذكرى النكبة عاد الجيش لاطلاق الرصاص على المصريين أمام السفارة الإسرائيلية!

في الثلاث شهور الماضية، أثبت المجلس العسكري أنه ليس فقط لا يحمي الثورة، بل لم يستوعبها أيضاً، لم يستوعب أنها ثورة كرامة، فأطلق شائعات عن قرب الإفلاس والتخوييف بالجوع – من فضلك إقرأ هذا الخبر - ، لم يستوعب أن الثورة قضت على فكرة لا أحد فوق النقد، فحقق مع بثينة كامل بتهمة نشر الكراهية ضد المجلس العسكري ومنعها من الظهور في التليفزيون، لم يستوعب أنها ثورة حرية، فأصدر قانون منع الاعتصامات و استمر في التحكم في الإعلام، وقطع الإرسال عن من يخالفه الرأي، وإنتاج أغاني تمجد الجيش وكأنه من قام بالثورة، لم يستوعب القدر الحقيقي ل ٢٠ مليون شاركوا في الثورة فاستهان بهم وأطلق بالونات الاختبار كل يوم، شائعة جديدة لعلها تمر فتكون مقدمة لخطوة أكبر تقضي على الثورة، استمر في اللعب بأعصاب الشعب، مرة بخطاب للمخلوع، ومرة بالافراج عن سوزان، ومرة بتصريحات غريبة من أعضاء المجلس، والعديد من الأخبار المستفزة التي ليس لها أي هدف غير القضاء على الثورة!
اقنعنا المجلس الأعلى أنه سيقضي على بقايا النظام السابق، بينما تركهم شهور في بيوتهم ثم بعد الضغط اعتقلهم بعد ما ترك لهم الوقت الكافي لإخفاء مايدينهم..
أقنعنا بأنه لا أحد فوق القانون بينما شباب الثورة يحاكم، ولا حُكم واحد للمخلوع ولا أي من أفراد عصابته، ولا حُكم واحد للمجرمين بعد مرور شهور؟!

المطلوب:
تحقيق في كل الانتهاكات الصادرة من المجلس العسكري طوال الشهور الماضية، إعادة محاكمة المدنيين، محاكمة مبارك بتهمة الخيانة العظمى ونقله من شرم الشيخ فوراً، وقف بلالين الاختبار – كفاية كفاية كفاية- ، حد أقصى وأدنى للأجور، محاكمة الظباط المتورطين في قتل منظاهرين في الثورة، محاكمة سريعة لعصابة مبارك ، وقف التعتيم الإعلامي، مساواة شوارع مصر بشارع السفارة الإسرائيلية من حيث الأمن ووجود الشرطة ..
..
هدف التدوينة:
كسر حاجز الخوف والتأكيد على إن مفيش حد فوق النقد وخصوصاً الحاكم
عشان المطالب دي أنا هشارك يوم ٢٧ إن شاء الله وهفضل أنزل لحد ما نحقق كل مطالبنا، لكني مازلت مش مع مطلب مجلس رئاسي مدني، ومش مع التصادم مع الجيش وإسقاط المشير وغيره من مطالب مالهاش معنى في نظري في الوقت الحالي .

عزيزي المجلس العسكري: الشعب المصري العظيم، يريد إسقاط النظام

• He was killed, shot in the face: yes! i can say he was a terrorist, a criminal .. but don’t criminals have the right to be tried, where is the justice here? i swear trying him fairly, his execution as a result if he deserved it, wouldn’t have got my attention even.. and why is America so proud? you call this civilization? for some people it’s like the U.S said Osama is a terrorist, the U.S killed Osama.. that’s it, no trial, no evidences nothing at all.
  
• I remembered the war: our Martyrs in Afghanistan and in Iraq, 900,000 + innocent human killed by the non-terrorist USA?  by Bush, his gang, i remembered children they killed in Afghanistan and Iraq, women they raped, how they ruined our countries.. cancer and deformities they gave to newborn babies in Iraq, sadness they brought to us for 10 years, damage they gave to Iraq’s sunni and shia .. i remembered the marines and soldiers that i hate like the most thing i hate in the world or like i hate israel.. i remembered Oppression, Humiliation or lets say i remembered how terrorist is the United States of America.
  
• Bush the terrorist: will Bush be tried? Bush is not a less terrorist than Bin Laden .. Bin Laden killed thousands of innocents, bush killed hundreds of thousands, why on earth would you call Bin laden a terrorist and don’t call bush a terrorist as well?
  Bush was defending America’s freedom/security?!! ..  well, it’s that in his point of view only, Bin Laden in his point of view was defending Afghanistan’s freedom as well .. you called Bin Laden a terrorist, then say it about Bush too! where is justice here?
  
• Buried him in the Sea!!!! : in the Sea! when i knew this i was like” OMG why does America underestimate and despise us this way?” ..  you killed him at least bury him like humans, what kind of information does the CIA have about muslims? muslims don’t bury anyone in the sea, whatever it is, why are they always willing to insult us, does America fear a dead man?!!
  
• did he worth it?: i had this question in mind, did a death of one man -who was almost dead for the world that forgot about him- did his death worth 10 years of war that didn’t end yet? did it worth hundreds of thousands of killed people? was Bin Laden that strong? i also tried to ask this question on the page of Sara Palin, and most of comments were about my veil, attacking my Religion ..  yeah illiteracy is not a middle-east thing!
  
• Didn’t the U.S. use Bin Laden?: yes, indeed, with or without Bin laden’s agreement, the U.S. used him, how would they have invaded the rich land of afghanistan, occupied Iraq and seize it’s Oil without the Bin Laden Scarecrow?
  how would the U.S. interfere in muslims’ countries if not under the name of terrorism? mentioning the name of AlQaeda or relating it to a specific faction is an enough reason to infuriate the international community of that faction, a good reason for the U.S. to attack it too, Hamas and Hezbollah are good examples, how would the resistance factions in Gaza be named as “Terrorists” , if there wasn’t that accursed term “Terrorism”, and  what is Terrorism last 10 years but Bin Laden and AlQaeda ..?
  
• The complete story: till now we don’t have a complete story of AlQaeda, all our information is acquired by media, some directed media.. how can we make sure that every crime attributed to Bin laden was true? in Egypt for Example, the bomb attack on Elkedeseen Church in Alexandria on New Year’s Eve, it was said AlQaeda did it.. later we get to know that Mubarak, his interior minister were behind it, still we don’t know everything, no? more information can make Bin Laden more or less guilty though.

i don’t know, that was how i saw it, i tried to figure out my and others’ feeling toward the news, but the only thing i’m sure about, is that Osama Bin laden’s death, just brought him to the life of many people again, after they thought they will never remember him.

وافتكر دايماً إن الدنيا مش هي المدرسة

چنى من الشريحة العليا في الطبقة المتوسطة، طالبة في مدرسة لغات
KG2
دول أطفال مصر .. محدش يخاف على مصر أبداً

شفت الرجل دا؟، اللي ما شافش الرجل دا ماشافش مصر، ماشافش مصر الحقيقية، موسوعة ومثقف جداً، ليس محلل سياسي، رجل شارع عادي من الطبقة المتوسطة يمتلك مخبز، ولكن يمتلك وعي وفهم غير موجود عند أغلب الناس للأسف، قابلت ناس مستواهم الاجتماعي والمعيشي يمكن أفضل منه الأيام اللي فاتت لكن مستواهم العقلي منعدم، ماخافش على أكل عيشه، ماقالش أنا بخسر فلوس والثورة موقفه حالي.. لأنه بيحب مصر ومدرك إن مصلحتها تستاهل التضحيات، مدرك إن مافيش ثورة بتوقف في النص، مافيش ثورة بتحقق نصف المطالب، مافيش ثورة بتزيل رأس النظام وتترك بقاياه، مدرك عظمة الثورة وأهميتها وأهمية استمرارها..  !
لأن عندنا مطالب ولأن عندنا أحلام ولأن مطالبنا هي مش مطالب الناس اللي في التحرير بس ولكن مطالب الشعب كله، حتى اللي قاعد في بيته وبيقول أي كلام هيعرف أهمية المطالب دي بعد كدا، ولأن في ناس زي الرجل دا
أنا نازلة يوم الجمعة إن شاء الله.

• فتنة فتنة فتنة ، البلد بتولع البلد بتولع بتولع ( بيكرروها كتير كدا تقريباً حالة هيستيرية)
• البلد بتضيع كفاية (ماحدش بيرضى يفهمنا هي ايه البلد دي اصلاً؟ مش البلد دي أنا وإنت وأخونا اللي استشهد؟ ولا هي البلد ايه بالظبط ؟ ولما نبقى بنجيب حقنا نبقى بنضيع ازاي، هاه؟ )
• الإقتصاد بينهار ( هو يا إما نتسرق يا إما مانعرفش نعيش؟ هو إنت لو في بيتك حرامي  وقاعد يسرق يوم بحاله ومهددك بالسلاح وحد من جيرانك سمع وجه ينقذك وفي سبيل انه يحميك من الحرامي ويرجع حقك  ضرب الحرامي وكسر حاجات في البيت في الخناقة هتقوله كفاية بقى سيب الحرامي الفازة اتكسرت، الكنبة اتعورت ، الكرسي بينهار سيب الحرامي يشوف شغله!!!)
• كفاية بقى انتوا عايزين ايه اكتر من كدا
• الشعب دا همجي أصلاً ما ينفعوش غير حكم عسكري ( اللي بيقول كدا شايف نفسه همجي  اكيد مش هو من الشعب؟ يبقى لما يشتم الشعب بيشتم نفسه عادي، وبعدين اللي يقولك حكم عسكري دا تعرف انه مش فاهم أي حاجة، هو احنا في حاجة جابتنا الأرض غير ٥٠ سنة حكم عسكري؟  دا غير انه اللي بيقول كدا شخص عايش في  خمسينات القرن الماضي مش واخد باله اننا في ٢٠١١ أي تقدم في اي مكان في العالم وراه حكم مدني فقط وليس عسكري أبداً )
• اديهم فرصة ( أي حد يقولك كدا، ادي لنفسك انت فرصة وامشي وسيبه ، مافيش ثورة في الدنيا بتدي فرص ) وبعدين ادي فرصة لمجرم ايه ، ولا واحد طول عمره ضد الشعب
• يعني لو شفيق مشي هييجي مين ( افتكر انه نفس الشخص دا كان بيقولك يعني هو لو مبارك مشي هييجي مين، افتكرت؟ ماشي سيبه  وامشي بقى ما يستاهلش وقتك
• مصر مافيهاش كفاءات للأسف تدير المرحلة الجاية ، نسيب اللي نعرفهم أحسن( اللي بيقول كدا بيهين المصريين وبيهين نفسه، لما يتهم شعب من أعظم شعوب العالم إنه بلا كفاءات ومافيش غير الحرامية بقى لأننا معندناش بديل
• العصاية السحرية و مش هندوس على زرار كل حاجة هتتغير( اللي بيقول كدا اطمن انه اصلاً مايعرفش المطالب ايه من الأصل وإنها مش محتاجة غير وطنية وإخلاص عشان تتنفذ فوراً)
• الدنيا اتخلقت في ٦ أيام ( دا زي النقطة اللي فاتت)
• مش هتكلم عن اللي بيجادلك في عدد الشهداء لأن ببساطة لو كان الشهيد أخوه ماكانش هيقول كدا ويجادل  فسيبك منه
• انتوا ما بتفكروش في الفقراء ، انتوا موقفين حالهم( ما كناش بنسمع صوت ضمير الأخ لما الفقراء بقالهم سنين بياكلوا من الزبالة وبيموتوا من الفقر، ولا  يقصد انه بيفكر في الفقراء من موقعه على الكنبة في صمت؟ )
• أخيراً دي ثورة، حق في مواجهة باطل اللي مش عايز يفهم بعد ما تحاول تفهمه سيبه يتحمل وزر موقفه

وأوجه كلمة لك أخي الحافظ مش فاهم:  اتقِ الله، ما تفتكرش انه الكلام بسيط، احنا في وقت مواقف، وسيدنا محمد صلى الله عليه وسلم بيقول وإن لم يستطع فبلسانه وإن لم يستطع فبقلبه، يعني هتتحاسب على الكلمة في وقت زي دا، وهتتحاسب على شعورك كمان، و أرجوك لو كان دورك من أول الثورة هو الجلوس على الكنبة، والفرجة على الأحداث ، فياريت تكمل سلبية للآخر وتفضل على الكنبة  شوية.