نهار خارجي.. بيت شاب يساري، فتح التلفزيون في الوقت المناسب.. على التلفزيون أغنية وطنية للشيخ إمام وعلى الشاشة خبر عاجل : بعد قليل أول حوار مع رئيس الجمهورية خالد علي.. وكعادة القناة الأولى بتفصل المشاهدين فجأة تقطع الأغنية وتنتقل للحوار.. يتابع الشاب اليساري ووالده الحوار:
المذيعة : سيادة الرئيس نهنيك على الفوز، هل كنت متوقع تفوز في الانتخابات؟
الرئيس : الثورة مستمرة، كنت متوقع نجاحي  في الوصول للطبقة الكادحة، الفضل كله طبعاً للرفاق رفيق رفيق ورفيقة رفيقة
المذيعة : سيادة الرئيس اية هي رؤية سيادتك في: الدستور، السياحة، العلاقات الخارجية وتشجيع الاستثمار الأجنبي؟
الرئيس: …

آخر مرة سمعت الأغنية دي من سنتين تقريباً، كل مرة أسمعها بفتكر لما كنت صغيرة وبابا وماما يشغلوها في العربية
وأنا أبقى مش فاهمة ايه اللي عاجبهم في الأغنية اللي مش مفهومة دي! ويعني إيه لموني دي أصلاً!؟؟
هم مش كتير بقوا يسمعوا لطفي بوشناق زي زمان
..
أنا بقيت بسمعه
 

تونس  ←  مصر

مقال د/جلال أمين عن تفجيرات الأسكندرية  أقل ما يقال عنه إنه “من الآخر ” ، منطقي جداً جداً وعقلاني ، من فضلك تقرأه
الحادث المروع الذى حدث فى الإسكندرية فى ليلة رأس السنة، يتطلب منا بلا شك بذل جهد كبير فى محاولة فهم أسبابه، يزيد فى رأيى عما تعودنا بذله فى فهم أحداث مأساوية أخرى.
نعم، ليست هذه المرة الأولى التى يتعرض فيها الأقباط لاعتداء مروع، ولكن الذى حدث هذه المرة هو ثانى حدث من نوع جديد من الاعتداءات على الأقباط، والحدثان وقعا فى عام واحد، وبينهما أوجه شبه تميزهما عن الأحداث …

من فترة أطلقت على تيتة جدة ماما ( اللي هي مامة جدتي في نفس الوقت ) لقب فاتن حمامة .. دا كان بعد مرة اتصلت على التليفون عشان تسأل على حاجة معينة وأنا رديت عليها وفوجئت بحد بيقولي مساء الخير ولو سمحتي قبل كل سؤال وينهى المكالمة بشكراً  !! .. لو فكرت هتلاقي الأسلوب دا اختفى من حياتنا تماماً .. مافيش مساء الخير .. مافيش شكراً لما حد يساعدك.. مافيش لو سمحت أو من فضلك لما يكون عندك طلب .. وبالتالي مافيش العفو وهكذا
المشكلة إن الناس شايفة الحاجات دي شكليات …

يااا ساااااتر  :D

في الأيام اللي فاتت استمر الجدل حول موضوع مُحاضرة عمرو خالد في منطقة الرمل في الأسكندرية في مؤتمر برعاية المؤسسة التي يرأس مجلس إدارتها اللواء عبد السلام المحجوب مُرشح الحزب الوطني في دائرة الرمل .. في الأول أنا من الناس اللي بتحترم د/عمرو خالد جداً و بعتبره سبب في تغيير حاجات كتير في حياتي .. لكن مع ذلك صُدمت جداً لما عرفت انه راجع للدروس في مصر -الممنوع من إلقائها من ٨ سنوات- راجع براعية مُرشح الحزب الوطني في دائرة معروف شعبية الإخوان بها وفي مؤتمر بدايته كانت كلمة دعائية …

فكرة آلة الزمن من أكتر الحاجات الخيالية اللي بحبها، و أتمنى إنها كانت تبقى حقيقية ومش بزهق منها لما تتكرر في الأفلام  ..
Just for fun
كنت بفكر ان لو كنت أقدر أرجع في الزمن عبر التاريخ .. إيه المواقف اللي كنت أحب أحضرها .. ؟
أعتقد دي أكتر حاجات كنت أحب أكون موجودة وقتها :

لحظة هبوط آدم وحواء على الأرض .. فكرة إن الأرض الزحمة جداً حالياً  تبقى فاضية ومافيهاش غير اتنين بشر، فكرة مثيرة للاهتمام جداً .. بالمناسبة هو سيدنا آدم وحواء هبطوا في مكان واحد ولا كلٌ على حدة واتقابلوا …

طرقت الباب حتى كل متنى                **                     فلما كلّ متنى كلمتنى

فقالت يا اسماعيل صبرا             **          فقلت يا اسما عيل صبرى

كاتب الشعر هو إسماعيل صبري باشا .. عجبني جداً استخدام الكلمات بالشكل دا .. شكراً لجدو على هذا الاكتشاف الشعري
لو حد يعرف باقي القصيدة ياريت يرسلها